Lourizán, Xardín Botánico

Pazo e Xardín Botánico de Lourizán

O Pazo e finca de Lourizán están situados no lugar de Herbalonga da parroquia de Lourizán (Pontevedra), mirando cara á ría.

A finca conta con 52 hectáreas de xardín, leira e arboredo no que se aprecian os distintos usos que tivo ao longo do tempo: granxa, xardín señorial e centro de investigacións forestais.

O XARDÍN BOTÁNICO DE LOURIZÁN foi creado no ano 1949 baixo a denominación de Arboreto cun obxectivo de investigación e experimentación e, ao mesmo tempo, cunha finalidade didáctica e recreativa. Complétase co antigo Xardín do Pazo onde se conservan numerosas especies ornamentais, plantadas na súa maior parte, na época de Montero Ríos.