Espazos naturais. Parque Natural de Corrubedo

Complexo Dunar de Corrubedo e lagoas de Carregal e Vixán

Formado por un amplo areal de 4 km de lonxitude limitado por cantís rochosos nos seus extremos; a marisma do Carregal e a lagoa de auga dóce de Vixán. Nos arredores do parque consérvanse abondantes restos arqueolóxicos: castro de Carreira, dolme de Axeitos... que dan mostra de que estivo poboada desde tempos antigos. No complexo de Corrubedo atópanse representados diversos ecosistemas de gran interese ecolóxico: costa rochosa e areosa, cantís, dunas fixas e móbiles, marismas, lagoas de auga doce e de auga salgada e mato.