Espazos Naturais: Ría do Eo, Río Eo

LIC Río Eo, ZEPA Ría do Eo. e humidal RAMSAR Ribadeo

O LIC inclúe a ría de Ribadeo, o curso do Río Eo desde Santalla, na Ribeira de Piquín, ata a desembocadura e os seus afluentes Rodil, Turia e Trabada. A área do esteiro está protexida tamén como ZEPA “Ribadeo” e Humidal RAMSAR: “Ría do Eo”. É unha área con importantes valores ecolóxicos onde podemos atopar varias zonas diferenciadas cos seus ecosistemas específicos: a costa rochosa de mar aberto fora da ría de Ribadeo, a ría, o esteiro e o río Eo cos seus afluentes. É unha zona de gran interese para o descanso das aves invernantes.