Espazos Naturais: Monte Maior

LIC Monte Maior, na Mariña Occidental

A serra de Monte Maior esténdese con dirección N-S desde a costa ata os montes do Buio. As rochas dominantes son os gneis e xistos no norte e os granitos no sur. O Landro recolle todos os regos da aba occidental e o Rigueira, Esparaños, Esteiro, Rego do Monte e outros van directamente ao mar. A maior parte do terreo está cuberto de plantacións de eucaliptos, algúns piñeiros e pasteiros. As turbeiras sen alterar ocupan só pequenas superficies nos cumes.