As rochas: o granito

O granito ou pedra de gran

Características, orixe, xacementos máis importantes, procesos de extracción, aplicacións e usos, importancia, historia... O granito, pedra de gran ou pedra de cantería é unha rocha de estrutura graúda, con cristais de diferentes tamaños (xeralmente grandes). Cor variable do gris ao rosa, duro, compacto e resistente á erosión e á presión. Está formado por feldespatos, seixo e micas, e outros minerais en menos proporción (apatito, circón, magnetita...). É unha das rochas máis abundantes da codia terrestre. Un terzo da superficie galega está ocupada por afloramentos graníticos de distintos tipos. Os xacementos atópanse por todo o territorio. Son máis abundantes na parte occidental e diminúen progresivamente cara ao leste.