Ruta: fervenzas no río das Mestas

Río das Mestas e os seus afluentes

Un percorrido para ver tres fervenzas no río das Mestas e os seus afluente, na parroquia e concello de Cerdido. O río das Mestas nace en Penela (Montoxo-Cedeira), percorre os lindes entre Cedeira e Cerdido e desemboca na enseada de Esteiro (Ría de Cedeira).

Pódese iniciar a ruta en Cerdido ou en Cedeira. Cóllese a estrada que vai dunha poboación á outra e pódese deixar o coche a carón da ponte que cruza o río das Mestas e facer o percorrido apé desde alí.