Ruta Monte Castrove

O Castrove desde A Escusa

Unha ruta circular de grande interese xeolóxico e paisaxístico para gozar de vistas espectaculares sobre as rías de Arousa e Pontevedra e o Val do Salnés. Recomendable para facer cun día despexado para ter boa visibilidade.

O Castrove é unha pequena serra con orientación NE-SO, situada entre as rías de Arousa e Pontevedra. O cume máis elevado é o Castrove, con 613 m. A maioría das árbores son piñeiros e eucaliptos de repoboación, xunto con pequenas áreas de especies ornamentais variadas. Conta cunha área recreativa.