Ruta: fraga e seimeira de San Xes

Fraga de San Xes A Pontenova) 

Unha ruta no concello da Pontenova polo interior da fraga de San Xes, que forma parte do espazo protexido como LIC (rede Natura 2000) “Carballido”, unha área de gran interese por ser unha das fragas mellor conservadas de Galicia. No seu interior atópase unha fermosa fervenza no río Bidueiro (Reigadas-Eo) que baixa por un estreito cavorco de cuarcitas nun recuncho no que se conservan varios muíños. A seimeira ten pouca auga pero é de considerable altura.