Ruta: praias e lagoas de Xuño e Muro

Praias e lagoas de Xuño e Muro (Porto do Son)

Unha andaina para coñecer as praias do sur do concello de Porto do Son e as súas lagoas litorais, Para gozar da amplitude das praias, as formas creadas nas rochas pola forza da auga e do tempo, a enorme biodiversidade das pozas da marea, as formacións dunares, a vexetación que vive nelas e as súas adaptacións e as lagoas coas súas flora e fauna características. Toda esta área está incluída no LIC “Complexo Húmido de Corrubedo” de importancia excepcional pola combinación de formacións dunares e lagoas costeiras que acollen unha importante representación de especies de flora e fauna asociadas aos areais e ás zonas húmidas.