Ruta: praia de Barra-Cabo Home
Un percorrido a pé polo LIC Costa da Vela
Unha camiñada para percorrer as praias máis naturais do Morrazo, e gozar da súa calma, e ver o contraste cos cantís da Costa da Vela. A ruta discorre polo LIC Costa da Vela, un espazo de grande interese natural (polos ecosistemas dunares e de cantil e as especies que acolle) e paisaxístico (con vistas sobre a Ría de Vigo, as Illas Cíes e os cantís da Costa da Vela).