As rochas: a lousa

A lousa ou pizarra

Características, orixe, xacementos máis importantes, procesos de extracción, aplicacións e usos, importancia, historia... A lousa ou pizarra é unha rocha de estrutura homoxénea, de gran moi fino, disposta en follas doadas de separar seguindo os planos de exfoliación, de textura suave e cor variable (gris, negra,  verde ou castaña). É unha rocha metamórfica formada a partir de sedimentos arxilosos depositados nos fondo mariños que foron afectadas por un metamorfismo de grao baixo. Ocupan un terzo da superficie de Galicia. Aparecen especialmente na zona oriental en bandas que van de norte a sur polas provincias de Lugo, Ourense e A Coruña.