Espazos Naturais: Limia-Veiga de Ponteliñares

LIC Veiga de Ponteliñares e ZEPA A Limia

O LIC Veiga de Ponteliñares é unha pequena área nas veigas da depresión da Limia. As Veigas de Ponteliñares atópanse ao pasar a confluencia da canle de desecación da Limia e o río. Son extensos pasteiros asolagados no inverno rodeados de vexetación de ribeira. A ZEPA A Limia abrangue as veigas do Limia e da canle da Antela e os terreos cultivados das áreas próximas. A maior importancia reside na gran variedade e cantidade de aves acuáticas e terrestres, coa presenza de especies pouco comúns no resto de Galicia.