Ruta: Facho de Donón
Subida ao Facho de Donón, no Hío (Cangas do Morrazo)
Achegámonos á Costa da Vela, a costa ao mar aberto do Morrazo, entre as rías de Vigo e Pontevedra. Un entorno privilexiado desde o punto de vista paisaxístico e histórico. Altos cantís e amplas panorámicas sobre o Cabo Home, as illas Cíes e a boca da Ría de Vigo ata cabo Silleiro,cara ao sur, e cara ao norte Ons, o mar da Lanzada e, se o día axuda, a costa norte da ría de Arousa.