Ruta: Punta Lapa-Punta Cabicastro

Un percorrido pola costa de Sanxenxo entre A Lanzada e Cabicastro.

Unha ruta lineal, con desvíos, pola costa do mar aberto entre as rías de Arousa e Pontevedra -mar da Lanzada (Punta Lapa) ata Punta Cabicastro- para gozar dunha boa camiñada por lugares pouco habituais (o rochedo na baixamar), da paisaxe e as forzas que a modelan, e dunha ampla e sorprendente diversidade xeolóxica que vai desde os granitos erosionados pola actividade física e química da auga; os sedimentos pregados, retorcidos e metamorfizados; ás formas e ás pegadas da oscilación do nivel do mar ao longo do tempo; todo esto complementado cunha rica flora e fauna asociadas aos cantís e ás dunas, e pechando os ollos ás incontables agresións, sobre todo urbanísticas, que pelexan por estragalo.