Ruta Monte Xesteiras

Subida ao monte Xesteiras

O monte Xesteiras é un cume de 716 m de altura que se ergue illado entre os concellos de Cuntis e Valga, separando a Depresión Meridiana da falla de Cuntis. Ten unhas excelentes vistas de todo o contorno, desde a Ría de Arousa ata as serras da Dorsal.

A ruta discorre por un camiño forestal. Pode facerse en coche (todo terreo), bicicleta ou a pé. No camiño hai un pequeno desvío polos muíños de Magán.

Pódese facer máis completa baixando a Requián (Valga), neste caso a pé.