Comarca: Mariña Central

CONCELLOS: Alfoz, Burela, Foz, Lourenzá, Mondoñedo e O Valadouro

A Mariña Central, forma parte, xunto coa Oriental e Occidental dunha grande comarca coñecida como A Mariña que ocupa toda a costa norte da provincia de Lugo, con fronte ao mar Cantábrico. A Mariña Central é o tramo comprendido entre a ría de Foz e Burela. O territorio diferénciase en dúas zonas: a faixa costeira, estreita e chan, que forma parte da Rasa Cantábrica; e unha sucesión de vales e serras con dirección xeral SO-NO perpendiculares ao mar que parten do Xistral, A Toxiza e Lourenzá. Os ríos principais son o Masma e o Ouro.

Acolle importantes áreas naturais con varios espazos protexidos.